Bikotekidea erasotzeagatik eta lesioak eragiteagatik Gasteizko Udaltzaingoak 63 urteko gizonezko bat atxilotu zuen astearte gauean, eta genero indarkeria delitua egotzi diote.
Zaramaga auzoko establezimendu batetik deitu zioten 22:00ak aldera Udaltzaingoari, gizon bat emakume bat molestatzen ari zelako eta eraso ere egin ziolako. Bertara iritsi zirenean, ustezko erasotzailearekin, biktimarekin eta lekuko batekin hitz egin zuten poliziek. Biktimak zituen lesioak ikusita, ustezko erasotzailea atxilotu zuten.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.