Gasteizko Udalak 50 gonbidapen bikoitz zozkatuko ditu, datorren abuztuaren 4an San Migel balkoitik ikusteko Zeledonen jaitsiera, "Andre Maria Zuriaren jaietako unerik zirraragarrienetako bat".
Uztailaren 8an zabalduko da zozketan parte hartzeko epea, eta 20a arte izango da zabalik. Udalaren webgunean eskuragarri jarriko dute inprimaki bat, eta hor eman beharko dute izena zozketan parte hartu nahi dutenek.
Udalak, ekimen honen bidez, herritarrei gehiago hurbildu nahi izan die Gasteizko jaietako sinbolo den ekitaldia.