Larunbat honetan Azkena Rocken kontzertua ematekoa da Cherie Currie abeslari estatubatuarra. Arabako BDZ taldeak salaketa publikoa egin du sionismoaren aldeko mezuak zabaltzen dituela argudiatuta.
Cherie Curriek adierazpen ugari egin izan ditu Israelgo estatu sionistaren alde, eta BDZko kideen arabera, baita "mezu transfobiko eta Trumpen aldekoak" ere. Lotsagarria iritzi diote Azkena Rocken, "diru publikoa jasota ere, lekua ematea Cherie Currieri, horrela Israel normalizatu eta haren irudia garbitzen" dutelakoan.
Kontzertura joatekoak direnei Palestinako banderako eta Palestinaren aldeko ikurrak eramateko dei egin diete, ekitaldia desnormalizatzeko helburuarekin, eta ongi etorria ez dela erakutsi asmoz.