Gizon baten gorpua aurkitu dute gaur goizean, 07:00ak aldera, Gasteizko San Martin parkeko aintzira batean flotatzen. Lehen informazioen arabera, oinak eta eskuak lotuta, eta indarkeria zantzuak zituela aurkitu dute. Beste zenbait informazioren arabera, ordea, bere buruaz beste egin duen laguna litzateke.
Parkean kirola egiten ari ziren bi pertsonak eman dute abisua. Ondorioz, osasun zerbitzuak parkera bertaratu dira, eta gizonaren heriotza baieztatu dute. Ingurua hesitu dute. Une honetan, Ertzaintza informazio gehiago biltzen ari da, eta ikerketa aurrera doa heriotzaren inguruabarrak zehazteko.