Kubik diskotekak bere jarduera eten egingo du larunbat honetan, hilaren 15ean, alokairu kontratua berritzeko aukerarik gabe. "Azken hilabeteetan ahal izan dugun guztia egin dugu proiektuarekin jarraitu ahal izateko. Hainbat bide aztertu ditugu eta beste aukera batzuk eskaini ditugu jarduerari eusteko, baina, zoritxarrez, ez digute jarraitzeko aukerarik eskaini", azaldu dute sare sozialetan kudeatzaileek.
Hamar urte baino gehiagoko bidearen ostean, datorren larunbata izango da azken irekiera gaua, eta "modu berezi batean" agur esango dutela aipatu dute. "Kubiken parte izan diren guztiak gonbidatzen zaituztegu azken hau gurekin pasatzera. Eskerrik asko Kubik diskoteka bat baino askoz gehiago zela sentiarazteagatik".
View this post on Instagram