Foronda aireportuko aparkalekua txiki geratu da opor egun hauetan izan dituen joan-etorri guztietarako, eta dozenaka lagunek debekatutako tokian utzi behar izan dute autoa. Andetxa herrira arteko bidean eta herrian bertan pilatu dira Aste Santuko egunetan.
Aparkalekuak doako 600 plaza ditu, eta ez da nahikoa izan egunotan izan diren hegaldi guztietarako. Besteak beste, Berlin, Krakovia, Istanbul edo Madeirara izan dira charter hegaldiak, beste zenbait hegaldi erregularrekin batera. Aparkaleku faltak eta aireportura autobusez gerturatzeko zailtasunak, gainera, areagotu egin du arazoa, eta espaloietan edo oinezkoen bideetan utzi dute kotxea.
