Hezkuntza grebekin jarraitzeko "indarrez" daudela diote sindikatuek

Erredakzioa 2025ko api. 2a, 14:01
Deskargatu Info Ahotsak :
Español English Français Català Galego

Eskola publikoetako irakasleen bederatzigarren greba izan da gaurkoa, eta Hezkuntza sailak "aldarrikapenei erantzun ezean" mobilizazioekin jarraituko dutela nabarmendu dute.

Eusko Jaurlaritzaren egoitza parean amaitu dute gaur irakasleek, Steilas, LAB, ELA eta CCOO sindikatuek deitutako mobilizazioa. Lan baldintzak hobetu, hemen eta orain erabakita! lelopean deitutako mobilizazioan Hezkuntza Sailaren jarrera salatu dute, eta orain arteko eskaerei eutsi diete. Gogoratu dute 15 urte direla hitzarmena eguneratu gabe, eta lan zamak arintzeko eta enplegu publikoa kontsolidatzeko eskatu dute, besteak beste. 

Aldarrikapen hauekiko erantzunik izan ezean, grebetan jarraitzeko indarrekin daudela gogoratu dute sindikatuetatik. "Hezkuntza Sailaren deiaren zain geratzen gara. Negoziatzeko eta adostasunetara heltzeko borondaterik aurkeztu ezean, greba dinamikaren hirugarren fasea planteatzea beste aukerarik ez da izango".

Gizartea Gasteiz

Izan zaitez ALEAkide!

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.

Informazio gehiago

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!