Sute handi bat piztu da bart, 21:3oean, Gasteizko Onaindia birziklatze lantegian, eta ke zutabe handi bat barreiatu da hirian. Udalak alerta eman du, eta herritar guztiei leihoak ixteko eskatu, haizeak eramandako errautsak etxeetara sartzea saihesteko. Sugarrak handiak izan arren, ez da zauriturik izan.
Suhiltzaileek 23:50 aldera lortu dute sutea kontrolatzea, baina gaur goizean oraindik ez dute itzaltzea lortu. Antza, aurreikusten dute, pilatutako beroa dela eta, txingarrak aktibo egongo direla "egun bat edo bi". Bien bitartean, asteazken goizean desaktibatu egin dute leihoak ixteko gomendioa, atmosferako partikulen azken datuak aztertuta.