22 eta 23 urteko bi gazte atxilotu dituzte Gasteizen, neska adingabe bati sexu erasoa egitea egotzita

Erredakzioa 2025ko mar. 3a, 08:22

Mugimendu feministaren mobilizazioa, indarkeria matxistaren kontra. Argazkia: ALEA

Biktimaren familiak salaketa aurkeztu eta gero atxilotu ditu Ertzaintzak, ostegunean.

Eusko Jaurlaritzako Segurtasun Sailak jakitera eman duenez, ostegunean bi gazte atxilotu dituzte Arabako hiriburuan, neska adingabe bati sexu erasoa egitea egotzita. Neskaren familiak salaketa aurkeztu ostean atxilotu dituzte 22 eta 23 urteko gizonezkoak.

Ostiralean bertan eraman dituzte epailearen aurrera, eta aske geratu dira karguekin, sexu erasoa egitea egotzita. Neska adingabetik urruntze agindua agindu du epaileak.

 

Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.

Izan zaitez ALEAkide!

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.

Informazio gehiago