Goian proiektu hezitzaileak, auzoko beste eragile askorekin elkarlanean, inauteriak ospatu ditu gaur Gasteizko Alde Zaharrean. Kalejiran atera dira auzokideak Rafa plazatik, eta Santa Maria plazan elkartu dira Zurrunbon epaitzeko, dantza eta txokolatada artean.
Zurrunbon da komunitatea erasotzen duten gaitz guztien sinboloa, "arrazakeria, matxismoa, etxebizitzaren espekulazioa, politikariak, komertzioen egoera..." aipatu dituzte auzokideek, beste askoren artean. Parte hartzaile bakoitzak paperean idatzita eraman ditu berari edo bere kolektiboari eragiten dioten gaitzak, eta ahots goran irakurri ostean sutara bota dituzte denak, Zurrunbonekin batera.