Gasteizko udaltzainek 31 urteko gizon bat atxilotu dute, astearte arratsaldean, bikotekide ohiari eraso egitea egotzita. 16:00ak aldera, 092 zenbakira egindako dei baten bidez, Gazalbide auzoko kale batean gizon eta emakume baten artean eztabaida handia zegoela ohartarazi zuten auzokideek.
Patruila bat berehala joan zen tokira, eta lekukoekin zein biktimarekin eta gizonarekin elkarrizketatu ziren gertatutakoa argitzeko. Antza denez, minutu batzuk lehenago, eztabaida bat hasi zen gizonaren eta emakumearen artean, eta gizonak emakumezkoari eraso egin zion. Biktima lurrera erori zen, eta gizonak telefono mugikorra apurtu zion. Hori guztia, haien seme-alaba adingabeen aurrean gertatu zen.
Lekukoek gertatutakoa berretsi zuten udaltzainen aurrean. Gauzak horrela, ustezko erasotzailea atxilotu egin zuten.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.