Labe Gazte Laborategiak ateak zabaldu ditu ikasturte berriarekin batera, eta 2024. urtea ondo amaitzeko eskaintza zabala dakarte. Gazteek kulturaz gozatzeko, sortzeko, parte hartzeko eta haien artean sareak sortzeko asmoa du Labek. Horretarako bost erakusketa, zazpi tailer, bi deialdi artistiko, horma irudi baten diseinua eta informazioa zabaltzeko hainbat jardunaldi antolatu dituzte urteko azken lauhilekorako.
12 eta 30 urte arteko pertsonek doan gozatu ahal izango dute eskaintzaz. Hala ere ikastaro batzuetarako izena ematea beharrezkoa izango da. Labe Gazte Laborategia zabalik dago astero, asteazkenetik ostiralera, 17:30etatik 20:30etara. Jarduerak daudenean, hala ere, beste ordutegi batzuetan egon daiteke zabalik. San Bizente Paulekoaren kaleko 21. zenbakian dago espazioa.
Idazketa edo museologia ikastaroak, manga marrazketa aurreratuko tailerra, Tote bag-ak margotzeko espazioa eta beste hainbat gauza egin ahal izango dira Laben. Hemen ikus daiteke informazio osoa, eta izena emateko aukera ere badago bertan.