Eñaut Elorrieta, Idoia Asurmendi, Iñigo Etxezarreta eta Josune Arakistainen abesti esanguratsuenak bilduko ditugu kontzertu horretan, Fernando Velázquez konpositoreak orkestrarako egokituta. Oholtzan izango dira, beraz, Eñaut Elorrieta abeslaria, Ken Zazpi taldearen sortzailea; Idoia Asurmendi etorkizun oparoko gaztea; Iñigo Etxezarreta, ETS taldeko kidea; eta Süne proiektuaren arima, Josune Arakistain. Eta, horiekin batera, Fernando Velázquez getxotarra (egungo konpositore onenetakoa, Ura bere bidean proiektuaren zuzendaria) arituko da musika-zuzendari lanetan. Artista handi horiek euskal musikari onenetarikoen arteko batzuk osatutako osatutako orkestra bat izango dute lagun.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.