Azkena Rock Festival jaialdiak agur esan dio 22. edizioari, 50.000 lagun baino gehiago bildu ostean. Agertoki gainean, hiru egunez, besteak beste Queens Of The Stone Age, Band Of Horses, Sheryl Crow, Jane’s Addiction, L7, Mavis Staples, Warren Haynes Band, Tarque & La Asociación del Riff, Redd Kross, Arde Bogotá, Ty Segall, PiL.T, The Real McKenzies eta Lendakaris Muertos aritu dira, eta aurten ere, rockaren tenplu bihurtu da Mendizabala.
Aurten, jaialdiak adin guztietako publikoa izan du, Txiki ARF programazioak lagunduta. Andre Maria Zuriaren plazan eskainitako kontzertuak eta jaialdian sortutako podkasta Azkenaren egitarau musikalera gehitu dira baita ere. Bestalde, Balore guneak jardueren segurtasuna bermatu duela azpimarratu du antolakuntzak, erregistratuko erasorik gabe. Hurrengo urteari begira, rock zaleek hitzordua izango dute ekainaren 19, 20 eta 21ean, Mendizabalan berriz ere.