2023ko Urrezko Zeledon sariak badu irabazlea, Elena Martinez de Madina Salazar. Euskal filologian lizentziatutako gasteiztar honek Gasteizko toponimia ikertu eta berreskuratzen egin du lan. 17 hautagaien artean aho batez hautatu dute bera epaimahaikideek.
Martinez de Madinak 20 urte daramatza Euskal Herriko onomastika eta toponimian murgilduta, bereziki Gasteizkoan. "Izen ahaztuei hautsa kentzea izan da nire lana" adierazi du izendapena jasotzeko unean."Basoa eta Arana bezalako toponimoak ditugu, gasteiztarrek jarriak duela mende asko".
Emakumeak omendu ditu Martinez de Madina Salazarrek. "Emakume gasteiztarrak izan dira gerraostetik tradizioak mantendu dituztenak". Lehen aldia da emakume batek Urrezko Zeledon saria jasotzen duena, beste inorekin partekatu gabe.
Saria ofizialki irailaren 10ean emango diote, Gasteiz eta Arabaren irudia hobetzen lagundu duten pertsonei eskainitako omenaldia. Iaz, Gorka Ortiz de Urbina eta Elisa Ruedak jaso zuten Urrezko Zeledon izendapena.