Urtebetez BAT txartelak doan erosteko iruzurrezko eskaintza bat sare sozialetan agertzen ari da egunotan. Hala ohartarazi du gaur Gasteizko Udalak. Argitalpen hori udaletik kanpokoa dela esan du administrazioak, eta iruzur delitua izan daitekeela.
"Erabiltzaile guztiei ohartarazten dizuegu erakusten den estekara ez sartzeko eta datu pertsonalak inola ere ez emateko, horrek sor lezakeen arriskuagatik. Alavabus ez da publizitate horrek eragin ditzakeen kalteen erantzule. Edozein zalantza izanez gero, BAT txartelaren hobariei buruzko informazioa Alavabuseko eta Eskualdeko Garraioko lineetan (www.alavabus.eus) edo gure sare sozialetan kontsulta dezakezue".
Nortasuna ordezkatzeagatik eta iruzurra egiteagatik salaketa jarri du Gasteizko Udalak.