Gasteizko Txosnen egitarau osoa aurkeztu dute

Gero eta gertuago daude Gasteizko jaiak, hiru hilabete baino gutxiago falta dira jadanik. Jaiekin batera, EHUren Gasteizko campusera itzuliko dira txosnak. Aurten ere abuztuaren 3tik 9ra ospatuko dira jaiak, larunbatetik ostiralera bitartean, zazpi festa egun, zazpi txosna, hiru karpa, lau agertoki eta dozenaka kontzertu, ikuskizun eta emanaldi izango dira Gasteizko Txosnagunean. Txosnetako leloa aurten ere Entxosnatu, etorri gugana! izango da.

Gaur bertan egin dute publiko egitarau osoa. Hauek dira Gasteizko Txosnetako hiru oholtza nagusietan —agertoki nagusia, Entxosnatu Karpa eta Gazte Karpa— arituko diren musika talde eta DJak:

LIBE, HARAKIN, MICE, ARMARRI, XERULA eta ROSA MARI.

LAZTANA LAZTANA, ZINKHA, HERENEGUN, AKERBELTZ eta SUDO

THE CAPACES, TOOTH, SEGISMUNDO TOXICOMANO, XAUKENA XAUK, AROSOUND eta WARY

EIRE, NØGEN, ITHAKA, DUPLA, ELENA BARKER eta DJ PEZON

BENGO, ROBA ESTESA, ZILIBITO RECORDS, BUHOS eta VUTRON

NAKAR, TATTA & DENSO, BENIZZE, CHILL MAFIA, GUATE-K, BIHOTZA, SEÑORA eta MONZI SEZ

PERLATA, GANIBET, GATIBU, LILURA, DJ SUQLENT eta DJ ETXEKOI

Aurkezpenean gogorarazi duta txosnagunean ez dela inolako eraso matxista, sexista, homofobo, xenofobo edo arrazistarik onartuko. Jai herrikoiak gozatzeko espazio izan behar dutela aldarrikatu dute.

Hemen ikus ditzakezue gaur Andre Maria Zuriaren plazan egindako aurkezpenaren argazkiak, eta kartela. Azpian, Gasteizko Txosnetan arituko diren talde guztiak, eta ze oholtzatan arituko den bakoitza.

Oiartzungo seikotearen trap doinuek girotuko dute Gazte Karpa.

Dj ondarrutarra Etxera karpan izango da aurtengo jaietan.

Bartzelonatik etorriko dira punkez betezeko Txosnaguneko oholtza nagusia.

Artista gasteiztarraren pop rocka, bakarkako ibilbidearekin lehenengoz, Entxosnatu karpan.

Altsasuko bikoteak doinu tradizionalekin egiten dituzten denetariko fusioez gozatzeko aukera Gazte Karpan.

Gazte Karpa girotuko du hirukoteak, bere gau-jaiarekin.

Señorak dantzan jarriko du aurten Entxosnatu karpa.

Zaldibarko bikotearen Dj sesioa izango da Gazte Karpan.

Erromeria kontzeptua birmoldatuta dakar Akerbeltz taldeak, sustraietatik berrienera Txosnetako oholtza nagusian.

Oholtza nagusian arituko da Gasteizko punk taldea. Urteetako ibilbideak dakarren esperientziarekin, baina energiaz beteta.

Aiaraldetik datorren rock talde berriak irabazi zuen GTX banda lehiaketa, eta merezitako postua lortu zuten Txosnagunean.

Harakin Oi! talde gasteiztarrak Gazte Karpan egingo du emanaldia. Skins Gasteiz kalean berriro ere!

Arrasateko musikaria eta Denso ekoizlea batera ibiliko dira oholtza nagusian aurtengo txosnetan.

Gazte Karpan egongo da musikari gasteiztarra. Neo-basque basatia, musika eta lagunak txosnagunean.

Belgikan jaiotako Dja Bilbotik hurbilduko da Entxosnatu karpako oholtzara, denetariko genero eta soinuekin. Klasifikatu ezinezko musika elektronikoa.

Talde donostiarra lehen aldiz izango da Txosnagunean, bere folk pop doinuekin.

Synth popak ere izango du lekua Entxosnatu karpan, Zumaiako bikotearen eskutik.

DJak Entxosnatu karpa dantzan jarriko du bere doinuekin.

Orio eta Zarauzko musika taldeak bere pop-rock abestiez beteko du Gazte Karpa.

Gasteizko DJaren elektronika sozialak dantzan jarriko du Entxosnatu karpa.

Emakume zortzikote kalatuniarra lehen aldiz izango da Txosnaguneko oholtza nagusian beren folk urbano "beroa" ekartzeko.

Donostiako Ska-Reggae taldea bere "jai giroa eta euskaldun senarekin" izango da Entxosnatu karpan.

Oholtza nagusian bere zuzeneko berria aurkeztuko du talde kataluniarrak, rocka eta mestizajea Txosnagunean!

Donostiako taldeak postpunk elektroniko doinuak ekarriko ditu aurten Entxosnatu karpara. Lehen aldia da txosnagunera hurbiltzen dela 2022an sortutako taldea.

Iruñerriko trap taldea Gasteizen izango da aurtengo jaietan. Probokazioa eta autotunea oholtza nagusian.

Rock talde bizkaitarra oholtza nagusian izango da aurten. Alex Sarduiren taldea lehen aldiz izango da Gasteizko Txosnagunean.

Miren Narbaizaren taldea izango da lehen kontzertua 2024ko Txosnetan. Gasteiztarrek Rock doinuz beteko dute Entxosnatu karpa.

Gasteizko Xerulak girotuko du aurten ere Txosnagunea. Gazte Karpan izango da bere gau-jaia.

Arrasateko taldea Txosnetan izango dugu aurten. Kuir-Punk doinuekin zutik jarriko dute Txosnagunea.

Aguraingo Dupla bikotearekin dantza egiteko aukera izango dugu jaietan. Musika urbanoaren eremu ezberdinak eta Gasteizko Txosnen abestia gozatzeko parada oholtza nagusian.

Post-hardcore doinuak Txosnetan Gernika-Lumoko taldearen eskutik.

Dancehall and Klub, soinu eta dantza esplorazioa, Bizkaitik Gasteizeraino. Gazte Karpa dantzan jarriko du 'dantzall' kolektiboak.

Aitor Arocena Gasteizko ekoizle eta DJak jai giroa ekarriko du Txosnetara bere musika elektronikoarekin.

Aguraingo DJak saltoka jarriko du beste behin ere Txosnagunea. Aurten Gazte Karpan arituko da.

Oiartzungo trapa Gasteizko jaietan. Entxosnatu karpan izango da entzuteko aukera.

Beste behin ere, mamarratxeoa eta tekno pornoa herriarentzat. Entxosnatu karpan aurten.

Entxosnatu karpan izango dira Suqlent eta bere gau-jaia.

Gasteizko Txosnetako Banda Lehiaketaren 2024ko Gazte Saria eskuratu zuen Laztana Laztanak. Merezitako lekua izango dute aurtengo Txosnagunean.

Elena Barkerren musika elektronikoak dantzan jarriko du Gazte Karpa. Bilbotarraren doinuak lehen aldiz Txosnagunean.

Lilura DJaren gau-jaia izango da aurten Txosnetako Gazte Karpan.

Beste urte batez Entxosnatu karpa dantzan jarriko du DJ Pezon bikote gasteiztarrak.