25 urte igaro dira jada Judimendiko Gazte Asanbladak bere jarduna hasi zuenetik, eta 2024 urte berezia da haientzat. Izan ere, urteurren borobila ospatzeko aukera baliatuko dute, "lehen urteetako indar berdinarekin auzoko kaleak astintzen" jarraitzen dutela aldarrikatuz.
Maiatzaren 4an, goizean, auzoko tourra eta karro poteoa antolatu dute (Patty eta Selma Bouvier DJ-en eskutik). Eguerdian, berriz, gazte bazkaria egingo dute Tornay Medikuaren plazan. Arratsaldean, zunba herrikoia egongo da auzoan. Horren ostean, kalejira bat antolatu dute Judimenditik Gaztetxera, bertan izango baitira, gauean, kontzertuak. Mandra, Bengo, Raimundo el Canastero eta DJ Pary&Tiza izango dira artista gonbidatuak.
