15 urteko txirrindulari bat zauritu da gaur goizean Gasteizen, auto batek harrapatuta. Antza, hainbat metro arrastaka eraman du ibilgailuak gaztea, eta azpian harrapatuta geratu da. Txagorritxuko ospitalera eraman dute mutila.
Goizeko zortziak inguruan izan da istripua, Zabalgana auzoko Mediterraneo etorbidean. Suhiltzaileak bertaratu aurretik, udaltzainek lortu dute gaztea ibilgailuaren azpitik ateratzea. Istripuaren nondik norakoak argitzeko, ikerketa zabaldu du Udaltzaingoak.