Udaltzainek 51 urteko gizon bat atxilotu dute, genero-indarkeriarekin lotutako zigorra urratzea egotzita. Gertakariak astearte arratsaldean jazo ziren.
092 telefonoan jaso zuten dei batean, emakume batek ohartarazi zuen San Viator kalearen ondoko parke batean zegoela alabarekin jolasten, eta urruntze agindua zuen bikotekide ohiak jarraitu egin ziela, eta handik metro gutxira zegoela. Udaltzainak bertara joan ziren, eta emandako deskribapenari esker, gizona aurkitu zuten, identifikatu, eta agindu horrek indarrean jarraitzen zuela egiaztatu ondoren, atxilotu egin zuten.