Atzo arratsaldean, hiriko kaleetan zehar GKSk manifestazioa deitu zuen "emantzipatzeko ezintasunaren aurka". Deialdi honekin, etxebizitza langileriarentzako "arazo larria" dela aldarrikatu nahi izan zuten, eta "ez etxebizitzaren auzitik negozioa egiten dutenentzako".
Manifestazioaren ostean, Arkupeen pasealekuan, GKSko kideek urte askoz hutsik izan den etxebizitza bat okupatu dute eta leihoetatik "politikarien promesa faltsuen aurrean" beraien eskubideak aldarrikatzeko pankartak eskegi zituzten.
Kalean dozenaka lagunek beraien babesa erakutsi nahi izan zieten etxebizitza okupatu berri zuten gazteei, baina Ertzaintzak atean pilatutako gazteak borra-kolpeka sakabanatu zituen. Goizaldera arte luzatu dira istiluak eta zauritu ugarri izan dira. Ertzaintzak gazte bat atxilotu zuen, goizean aske geratu delarik.
Gasteizko etxe bat hartu dute hainbat gaztek, emantzipatzeko ezintasuna salatzeko
— Gedar.eus (@GedarLangileKZ) March 31, 2024
Kanpoan gazteei babesa ematen ari ziren lagunak jipoitu eta bat atxilotu ostean, alde egin zuen Ertzaintzak. Hala ere, etxe barruan segitzen dute gazteek
Gertakariak:
🔗 https://t.co/SLwMtKyisA pic.twitter.com/dx5QfWBVtB
⚠️ Ertzaintza sekulako bortizkeriaz ari da Gasteizen: emantzipatzeko ezintasunaren kontra protesta egiteko, etxe batera sartu dira zenbait gazte iluntzean, eta kanpoaldean dauden pertsonen kontra kargatzen ari da Polizia. pic.twitter.com/BPrpSh4Efm
— Gedar.eus (@GedarLangileKZ) March 31, 2024