Arrazakeriaren eta Xenofobiaren kontrako nazioarteko egunarekin bat, martxoaren 21ean, elkarretaratzea deitu du Gasteiz Antiarrazista kolektiboak. Pribilegio zuria, arraza zapalkuntza goiburuarekin, elkarretaratzea izango da, 19:00etan, Andre Maria Zuriaren plazan.
Gasteiz Antirrazista kolektiboko Toni Cunha kideak azaldu duenez, "kontzientzia zuriari" errebisio eta hausnarketa bat egiteko eskatu diote, "gainerako arraza ez-zurien gainean egindako arrazakeriagatik dituen pribilegioei dagokienez". Tresna kolonial batek eragindako arrazakeria, kolektiboko kideen arabera, "arraza zuriari guztiz lotutako arrazakeria, bere izatea zalantzan jartzen ez duena".
Gogoratu dutenez, bi irakurketa egingo dituzte elkarretaratzea: bata, arrazializatutako lagunen ikuspegitik, eta, bestea, zuriek beren pribilegioak zalantzan jartzen dituzten lekutik.