Hurrengo astean –otsailaren 29an, martxoaren 1ean eta 3an– kontzertuak eskainiko ditu Gorka Urbizuk Gasteizen, Hasiera bat azkeneko lana aurkezteko. Horren aurretik, baina, hilaren 27an, Eva Forest Liburutopia liburu dendan geldialdia egingo du. 19:00etan izango da, Santa Maria kantoiko txokoan.
Joni Ubeda kazetariak gidatutako saioan, elkarrizketa luzea egingo dio nafarrari, eta zuzeneko zenbait kanta entzuteko aukera ere izango da. Gonbidapena beharrezkoa izango da saiorako; banatuko direnen artean, ALEAk hiru sarrera bikoitz zozketatuko ditu webgunean.