[EHU KULTURA] Eire

EIRE taldea Eire Maia eta Eire Salegik osatzen dute. Txiki-txikitatik aritu dira elkarrekin musika egiten eta orain kantu pop elektronikoekin aurkeztu dira eszenara. Maiak konposatu eta Salegik ekoiztu, euren logelan sortzen dituzte abestiak elkarlanean. Azaroa hasieran aurkeztuko dute euren lehen bilduma, 6 kantuz osaturikoa. Abestiz abesti joan dira osatzen EPa, sormen askatasunetik, gustoko dituzten genero eta soinu ezberdinak ikutuz. Lan honekin euren burua aurkeztu nahi dute, zer nolako musika espero dezakegun haiengandik erakutsi eta geratzeko iritsi diren artista direla aldarrikatu. Sarrera librea.