Aurrera doa Gasteizko auzoetako jaien egutegia. Oraingoan, aste honetan, San Kristobal auzoaren txanda izango da, ofizialki uztailaren 5etik 10era, asteazkenetik astelehenera; hala ere, ohikoa denez, asteburuan zehar antolatutako jarduerak eta kontzertuak izango dira egitarauaren plater nagusia.
Lehenengo jarduerak asteazken honetan hasiko dira, uztailaren 5ean: 11:00etan, zesta ekologikoaren zozketa; eta 12:00etan, argazki lehiaketa. Ostegunean, uztailaren 6an, 17:00etan irekiko dituzte barrakak, eta 20:00etan pintxo-potea eskainiko dute auzoko tabernetan.
Ostiralean, hilaren 7an, txupinazoaren jaurtiketak emango die hasiera jaien egun handiei, 13:00etan. Ondoren, askotariko jarduerak arratsaldean zehar: 17:30ean, Arabako Bolo Txapelketa; 18:00etan, igel jaurtiketa; eta ordu berean, giza elkartasunaren oinarrizko balioaren eta ingurunearekiko errespetuaren aldeko hitzaldia, Hegoalde gizarte etxean. Iluntzean, berriz: 20:00etan, pintxo-potea txosnan; 20:30ean, pintxo-potea eta kalejira auzoko tabernetan; eta 22:00etatik aurrera, Koltan (punk rock), Lautada (metal) eta Benkone and The Nayaflor (reggae) taldeen kontzertuak txosnagunean. Barrakak 12:30etik aurrera izango dira zabalik.
Larunbatean, hilaren 8an: 09:00etan, petanka txapelketa; 12:00etan, umeentzako jolasak (Kristobal Deuna Eskaut Taldearen eskutik), barraken irekiera eta Free Tourra EHUren Errektoretzaordetik (Nuria Fernandezen eskutik); 13:00etan, umeentzako jarduera herrikoiak eta nagusientzako bermuta eta musika txosnagunean; 17:00etan, Arabako Bolo Txapelketa Nagusia; 18:00etan, futbolin txapelketa Itzela tabernan; 18:30ean, Kirrinka txaranga; 19:00etan, txapel jaurtiketa txapelketa; 19:30ean, pintxo-potea txosnagunean; 20:10ean, Arabako Bolo Txapelketaren sari banaketa; 20:20an, bingoa; eta 21:10ean, Urrezko Lauburuaren V. edizioa (Javier Dominguez ultra trail lasterkariari). Iluntzean, 21:30ean, Enrique Loyolaren monologoa, eta 22:30etik aurrera, kontzertuak: O'funk'illo, El Chivi, Growing (auzoko taldea), eta, gaupasa DJ iOnaren eskutik.
Jaien amaiera egitarau xumeago batekin iritsiko da. Igandean, hilaren 9an: 12:00etan, barrakak; 12:30ean, umeentzako jolasak; 18:00ean, adinekoentzako dantzaldia, Carisma orkestrarekin; eta 18:30ean, poteoa eta pikoteoa txosnagunean, prezio herrikoiekin. Astelehenean, hilaren 10ean: 17:00etan, prezio herrikoiak barraketan; 12:30ean, kotxeen bedeinkapena, San Kristobal elizan; 17:00etan, meza jaietako patroiaren omenez; eta, azkenik, 18:00etan ofizialki amaituko dira auzoko jaiak.
KARTELA
