Gizon bat atxilotu dute Arriaga-Lakuan, bikotekideari tratu txarrak emateagatik

Erredakzioa 2023ko mai. 22a, 13:41
Arriaga-Lakua auzoko etxebizitza batean bizi da bikotea. / Argazkia: GOOGLE MAPS

Udaltzaingoak 35 urteko gizonezko bat atxilotu du igande honetan, bikotekideari eraso egitea eta ohikotasunez tratu txarrak ematea egotzita.

Gertakariak igande honetako 04:00ak baino apur bat lehenago jazo ziren. Emakume batek poliziaren laguntza eskatu zuen Arriaga-Lakua auzoko atari batean, bere bikotekideak familiaren etxebizitzan eraso egin ziola salatuz.

Udaltzainak iritsi zirenean, emakumeak etxebizitzaren barruan gertatutakoa berretsi zien, baita azken asteetan tratu txar jarraituak jasan dituela aitortu ere. Eraso egin ondoren, gizonezkoak etxetik alde egin zuen, baina biktimak emandako deskribapenari esker, beste patruila batek inguruan atzeman zuen.

Bi bertsioak entzun ondoren, eta biktimak zituen lesioak ikusita, udaltzainek 35 urteko gizonezkoa atxilotu zuten, eraso delitua eta ohiko tratu txarren ustezko egiletza egotzita. Bitartean, kalez jantzitako patruila batek ospitalera eraman zuen emakumea, bertan arta zezaten.

Ondoren, ustezko erasotzailea Agirrelandako polizia-etxera eraman zuten. Atxilotua epailearen esku geratu zen igandean zehar.

Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide