Polizia ikerketa baten barruan, astelehen honetako 17:00ak aldera, Zadorra hiribideko pabiloi industrial batean marihuana landatzen ari zela zioen susmoa baieztatu zuen abian jarritako zaintza eta kontrol dispositiboak. Ondorioz, udaltzainek nabe barruan zegoen gizonezkoa atxilotu zuten.
Espazioaren erregistroan 380 marihuana landare atzeman zituzten, baita aurreko uzta batetik jasotako hiru kilogramo kukulu baino gehiago ere. Horrez gain, besteak beste, luminariak, iragazkiak, erauzgailuak eta landaketarako beste tresna batzuk ere topatu zituzten. Hori guztia eta 750 euro inguru konfiskatu zituzten.
Guardiako epaitegian zegozkien eginbideak egin ondoren, atxilotua karguekin aske geratu zen, osasun publikoaren aurkako delitua leporatuta.
Antzeko azken operazioa 2020ko martxoaren hasieran egin zuen Udaltzaingoak, Gamarra industrialdean 750 landare gordetzen zituen beste pabiloi bat desegin zuenean. 51 urteko arduradunari, gainera, elektrizitatearekin lotutako iruzur delitua egotzi zioten.
