'Ondinaren magia' (Euskadiko Orkestra + Txan magoa)

Ondinak misterioaren eta herri-kondairen parte dira. Greziar mitologian Mediterraneoan bizi ziren uretako ninfei esaten zitzaien ‘ondinak’. Uhinak eta itsas sakona irudikatzen dituen harparen eskutik, haizearen misterioak kontatzen dizkigun flautaren eskutik eta lurrari eta haren misterioei buruz hitz egiten digun biolaren eskutik, magia eta musika uztartuko ditugu babesten gaituzten fantasiazko eta maitagarriz betetako mundu hori aurkezteko. Kontzertu honetarako propio sortutako kontakizun baten bidez, eta Duboit, Jolivet, Ravel eta Debussyren musikarekin, gure sentimenekin jolas egingo dugu arteez gozatzeko.