Ostegun honetan, Auzoan Bizi Gasteizko Alde Zaharreko etxebizitza sareak auzoko bizilagun eta sareko kide baten etxegabetzea salatu du. Azaldu dutenez, duela astebete, etxebizitzaren jabeek ura eta argia moztu zioten, baita etxea uztearen truke dirua eskaini ere. Azken egunetako "mehatxuen" ostean, gaur, maizterrak bere etxeko atea tapiatuta topatu du, bere gauza guztiak barruan izan arren.
"Kidea tinko mantendu da, bere etxean geratzeko determinazio osoarekin. Ustezko jabearen jarduna espekulatzailea eta guztiz ilegala da, mehatxu eta beldurraren bitartez gure kidea etxetik botatzen saiatuz", salatu du Auzoan Bizik. "Horrela lortu ez dutenez, gure kidea kanpoan zegoela aprobetxatuz tapiatu diote etxea".
Azkenik, Auzoan Bizik elkarretaratzea deitu du ostiralerako, urtarrilaren 20rako, 19:00etan Aiztogile kalearen sarrerako faroloiaren parean, Zuen desalojoen aurrean gure auzodefentsa lelopean.
🔑Etxebizitzekin negozio egin eta gure kontura aberasten direnek legea dute haien alde, instituzioak, dirua, indarkeriaren monopolioa.
— Auzoan Bizi Etxebizitza Sarea (@AuzoanBizi) January 20, 2023
Baina aurrean izango gaituzte, gure etxe eta bizitzen defentsan antolatuta, eta klase elkartasunez, feminismoz eta antiarrazismoz armatuta🔥 pic.twitter.com/xOJFNQPNar
‼️AUZOAN BIZIKO KIDE HAT ILEGALKI DESALOJATU DUTE
— Auzoan Bizi Etxebizitza Sarea (@AuzoanBizi) January 19, 2023
Gaur, urtarrilaren 19an, ABko kide batek bere etxeko atea tapiatuta topatu du, bere gauza guztiak barruan dituelarik.
Duela astebete ura eta argia ere moztu zioten eta etxea uztearen truke dirua eskaini.⬇️ pic.twitter.com/V7t7Xn7MQf