Hertzainak taldearen agur-kontzertua dela eta, Tuvisak garraio publikoko zerbitzu berezia eskainiko du ostiralean, Azkena Rock Festival edo Jazzaldian egiten denaren antzekoa.
Mendizorrotzan izango dira irteerak BEI B norabidean (Esmaltazioetarantz). Autobusak 20 minuturo aterako dira, 22:40etik 01:00etara bitartean, honako ordutegia:22:40, 23:00, 23:20, 23:40, 0:00, 0:20, 0:40 eta 1:00. Autobus barruan ordaindu beharko da, gaueko tarifarekin; 1,85€ txartel arrunta eta 0,69€ garraio txartelarekin ordaintzen bada.