Pasadena-rekin emango dio hasiera kontzertu urteari Gasteizko Parral tabernak. Libe eta Jon Basagurenen taldea urtarrilaren 10ean gerturatuko da San Frantzisko kantoiko oholtzara, asteartero izaten diren kontzertuen artean. 2021ean sortu zuten biek taldea zenbait proiektutan elkarrekin aritu eta gero, eta hori aurkeztuko dute oraingoan.
Astebete beranduago, urtarrilaren 17an, musikak arte grafikoari utziko dio tartea. Asisko Urmeneta marrazkilariak Amaiur! Libera State komikia aurkeztuko du. Urtarrilaren 24an rock, blues eta funk erritmoek hartuko dute Alde Zaharreko taberna Barriomania taldearen eskutik. Eta, hilabetea amaitzeko, Dena Ondarruko musika taldea izango da; 202oan aurkeztu zuten Ezer sentitzeko eta 2022ko Zure mugadun hutsune lanak eramango dituzte Gasteizko taulara.