Aurten ere, Gasteizko herri mugimenduaren azoka bisitatzeko eta bertan askotariko kolektiboen materiala erosteko aukera izango da, baina oraingoan kokapen berria izango du espazioak: Aiztogile kaleko 35. zenbakia, Alde Zaharrean, Elizondo tabernaren aurrean.
Ostiralean, abenduaren 9an, ireki zituen ateak, eta urtarrilaren 6ra arte egongo da zabalik. Egunero: astelehenetik ostiralera, arratsaldez, 17:00etatik 21:00etara; larunbatetan egun osoan zehar, 12:00etatik 15:00etara eta 17:00etatik 22:00etara; eta igande eguerdietan, 12:00etatik 15:00etara.
Honako hauek dira aurten azoka herrikoian parte hartuko duten kolektiboak: Presoen Lagunak, Hala Bedi Irratia, Gasteizko Txosnak, Errekaleor Bizirik, Gure Esku, Askapena, Bilgune Feminista, Hemendik Harantz, Sarek, Ongi Etorri Errefuxiatuak, Araba Bizirik, Gasteizko Gaztetxea, Ernai, Harrera Elkartea, Gasteizko gazte asanbladak...
