Gasteizko Kontseilu Sozialistak eta Etxebizitza Sindikatuak salatu dute Alde Zaharreko etxebizitza bat Blackstone putre funtsak berehala desalojatzeko arriskuan dagoela.
"Jabetza funtsaren eskuetan geratu zen hipoteka-egikaritze baten ostean", azaldu dute. "Urteak eman zituen hutsik eta baldintza kaskarretan. Orduan, okupatua eta birgaitua izan zen beste alternatibarik ez zuten hainbat pertsonaren eskutik. Duela urtebete, jabeak negoziazioak hasi zituen Etxebizitza Sindikatuan antolatuta zeuden okupatzaileekin. Eroskeria saiakera baten eta hainbat mehatxuren ostean, orain, bide judizialaren azken fasean gaude".
Horren emaitza, sindikatuaren ustez, "berehalako etxegabetze agindua izango da segurtasun osoz".
๐ท๐๐๐! ๐ฆ๐ถ๐ป๐ฑ๐ถ๐ธ๐ฎ๐๐๐ฎ๐ฟ๐ฒ๐ป ๐ฒ๐๐ ๐ฒ ๐ฏ๐ฎ๐ ๐๐๐๐๐๐ฆ๐ง๐ข๐ก๐ ๐ฝ๐๐๐ฟ๐ฒ ๐ณ๐๐ป๐๐๐ฎ๐ธ ๐ฑ๐ฒ๐๐ฎ๐น๐ผ๐ท๐ฎ๐๐๐ฎ ๐ถ๐๐ฎ๐๐ฒ๐ธ๐ผ ๐ฎ๐ฟ๐ฟ๐ถ๐๐ธ๐๐ฎ๐ป
— Gasteizko Etxebizitza Sindikatua (@EtxeSindikatua) November 14, 2022
๐ตPutre funtsen aurrean, autodefentsa sozialista antolatu!
โฌ๏ธ[Irakurketa๐] pic.twitter.com/gcrOAmbh7I
"Doakotasuna, kalitatea, unibertsaltasuna"
"Langile klasearen bizi baldintzak etengabe erasotuak diren krisi orokortua bizi dugu. Etxebizitzaren esparrua ez da salbuespena; etxebizitza merkatua jabe handi zein txikientzat ondasunen metaketarako iturria da, eta krisi garaietan funtzio hori betetzen jarraitu behar du. Putre funtsak testuinguru horretan ugaritzen dira", ohartarazi dute.
"Kapital handiko korporazio hauek arrisku handikoak kontsideratzen diren tituluak prezio baxuetan erosten dituzte (hipotekak, ondasun higiezinak eta abar) gerora berriz saldu eta irabaziak lortzeko. Putre funtsek jabetza ugari metatzen dituzte, higiezinen merkatua eta etxebizitza arloko politikak baldintzatzeko gaitasuna lortuz", azaldu dute. "Estatua ez da gai jabetza metatze prozesu hori kontrolatzeko, gobernu eta alderdien erabakimenaren gainetik daudelako".
"Konponbidea ez dago jabe handi eta txikien arteko dikotomia faltsuan ere. Errentatzaile txikiek funts handien aurrean jabetzak galtzen dituztela egia bada ere, jabe txikiez osaturiko higiezinen merkatu batek ez luke etxebizitzaren arazoa ebatziko. Berebizikoa da etxebizitza sistemaren berrantolatze totala; hots, etxebizitza sistema sozialista berri bat, oinarrizko ondasun honen doakotasunak, kalitateak eta unibertsaltasunak ezaugarriturik", aldarrikatu dute.
"Autodefentsa sozialista"
Azkenik, "proletalgoaren bizi baldintzen" eta "sistema sozialistaren" alde lan egiten jarraitzera deitu du Etxebizitza Sindikatuak, baita "jabe handi zein txikien erasoei" aurre egitera ere, "putre funtsen aurrean autodefentsa sozialista antolatuz". Horretarako, Alde Zaharreko etxebizitza honekin gertatzen denaren araberako deialdietara adi egotea eskatu diete herritarrei.