Gutxienez lau zauritu (horietako batzuk egoera larrian) eragin ditu gaur arratsaldean hiru ibilgailuren artean gertatutako istripu larriak. Segurtasun Sailak baieztatu duenez, 17:00ak aldera gertatu da ezbeharra, A-1 errepidean, Gamarran, Irungo noranzkoan, 355. kilometroan. Antza denez, bi furgonetak eta auto batek talka egin dute.
Zaurituak Txagorritxu eta Santiago ospitaleetara eraman dituzte. Bitartean, Ertzaintzak errei bat itxi du, eta zerbitzu-bidetik desbideratzen ari da trafikoa; gainera, Segurtasun Sailaren Trafiko Zerbitzuak ohartarazi du auto-ilarak sortzen ari direla.
🚗🚗🚨Hainbat ibilgailuren arteko #Istripua #A1 Km 355 #Vitoria_Gasteiz-en Irungo norantzan, errei bat itxita eta 🚚🛵🚗 #Autopilaketak
— Trafiko (@trafikoaEJGV) November 3, 2022
🚗🚗🚨 Accidente entre varios en la A-1 Pk 355 en Vitoria-Gasteiz sentido Irun, un carril cortado y 🚛🛵🚗retenciones#Trafikoa pic.twitter.com/AcSffyh7JP