Azken asteetako lanaren ostean, Ramon Bajo ikastetxeko familiek eta umeek auzoko kaleak hartu zituzten astelehenean, Gau Beltzeko mozorro dotoreekin jantzita: sorginak, eskeletoak, saguzarrak, zonbiak, banpiroak eta beste izaki asko agertu ziren Alde Zaharretik.
Astelehen iluntzean, 18:00etatik aurrera, Gasteizko Alde Zaharreko kaleetan zehar ibili ziren. Ikastetxeko talde bakoitza elkarrekin mugitu zen gunez gune: ikastetxeko patioa, Auzolana pilotalekua, Hala Bedi irratia, Gasteizko Gaztetxea, Gasteiz Txiki auzo elkartea, Zapateneo... 21:00ak aldera, berriz, denek bat egin zuten Santa Maria plazan, suaren inguruan dantzatzeko.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?