Ostegun honetako 14:00ak baino zertxobait lehenago, bi gizonezko sartu dira Gasteizko banketxe batean; zehazki, Santiago hiribideko Kutxabank-eko sukurtsalean, Judimendi eta Arana auzoak banatzen dituen bidegurutzean.
Lekukoen arabera, bertan zeuden pertsonak suzko arma batekin mehatxatu dituzte, eta lapurreta egiten saiatu dira, baina azkenean dirurik gabe joan behar izan dira. Zorionez, ez da zauriturik izan.
Udaltzaingoak baieztatu du susmagarri bat atxilotu duela Extremadura kalean, erasoan parte hartzea egotzita; eta, une honetan, bigarren susmagarriaren bila daude hirian zehar. Nolanahi ere, poliziak ez du armarik atzeman oraindik. Horrez gain, banketxeko segurtasun kamerek grabatutakoa ikertzen ari dira.