Segurtasun Sailak jakitera eman duenez, astelehen honetako 14:00ak inguruan gertatu da istripua. Trailer batek, ibilgailuak garraiatzeko kamioi batek, militarrak garraiatzeko autobus batek eta gutxienez sei autok elkarren kontra jo dute A-1ean, Jundiz parean, Irungo noranzkoan.
Ondorioz, errepidea erabat itxi behar izan dute, eta N-102 bidetik desbideratu dute, Ruta de Europa hotela igaro ondoren, Ariñez herriruntz. Hala ere, hainbat kilometroko auto-ilara luzeak izan dira arratsalde osoan zehar, eta istripu gehiago jazo dira bertan. 23:30ean, Segurtasun Sailak jakinarazi du errepidea garbitu ostean errei guztiak zabalik daudela berriz ere.
Eusko Jaurlaritzako Segurtasun Sailak azaldu du hamaika lagun gutxienez zauritu direla istripuan, eta bakarren bat larri egon daitekeela ere adierazi du. Bertan izan dira larrialdi zerbitzuak: bost anbulantzia, suhiltzaileen hiru kamioi, Ertzaintzaren hainbat patruila eta tamaina handiko ibilgailuak mugitzeko garabi bat, besteak beste.
#A1 Km 345 #Vitoria_Gastez-en Irungo norantzako #Istripua-n trafikoa #N102 errepidetik desbideratzen ari da.
— Trafiko (@trafikoaEJGV) September 27, 2022
En el accidente de la #A1 Pk 345 #Vitoria_Gasteiz sentido Irun el tráfico se desvía por la #N102.
011 ☎️#Istripularria #Trafikoa pic.twitter.com/IBADwtqv2V
Retenciones A-1 sentido Irún. Accidente A-1 km 340 Ruta de Europa. Hay otro accidente importante A-1 km 346 atendido por @Bomberos_VG . pic.twitter.com/VpeZYzDqb4
— Arabako Foru Suhiltzaileak (@BomberosAraba) September 27, 2022