Gizon bat atxilotu dute Zabalganean, bere bikotekideari eraso egiteagatik

Erasoa eta atxiloketa Zabalgana auzoan gertatu ziren. / Argazkia: ZARATEMAN

Astelehenean, udaltzainek 34 urteko gizonezko bat atxilotu zuten, genero indarkeria delitu baten ustezko egilea zelakoan.

Ustez, gizonezkoak bere bikotekide ohiari eraso egin zion astelehenean, Zabalgana auzoan. Udaltzaingoak, horren berri izan ostean, gizona bilatzeari ekin zion. Handik gutxira, inguruan topatu zuten.

Bestalde, Udaltzaingoak jakinarazi du 27 urteko beste gizonezko bat atxilotu zutela astelehenean, gizarte baliabide batera bere gauzak jasotzera zihoanean berarekin zeuden udaltzainei bultza egitea eta eraso egiten saiatzea egotzita.

Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide