Aurredenboraldi garaian ohikoa denez, taldeek uda bukaeran hastear dagoen ikasturterako elastiko berriak aurkezten dituzte. Halaxe egin du Baskoniak gaur goizean ere.
Azken bost urteetan Kelme markako elastikoak erabili ditu Baskoniak, baina akordioa eten ostean Puma marka alemaniarra izango dute jokalariek paparrean datozen lau denboraldietan.
Orain arte, futbolean ez bezala, Puma ez da ohiko marka izan saskibaloi jantzien munduan. Halere, Baskonia ohituta dago merkatu berriak bilatzen, eta horrela egin du oraingoan ere. Akordioa, dena den, ez da Baskoniari bakarrik lotuta egongo, eta Alavesek ere marka bera jantziko du aurrerantzean.
