2022-2023 ikasturterako zortzi irakurketa klub antolatu ditu Ignacio Aldekoa kultura etxeak. Irakurketa kluba hilean behin biltzen den pertsona talde batek osatzen du, irakurritako liburuaren inguruan eztabaidatu eta hitz egiteko. Saioak koordinatzaile batek zuzentzen ditu eta ordu eta erdi irauten dute gutxi gorabehera. Irailaren 1ean hasiko da hauetan parte hartzeko izen emateko epea.
Guztien artean, urtero legez, literaturari buruzko euskarazko solasaldiak izango dira Gasteizko Irakurle Klubean, Iban Zaldua idazleak gidatuta. Literatura eta zinema kluba batzen dituen gaztelaniazko saioak, berriz, Juan Ibarrondo idazleak zuzenduko ditu. Zientzia fikzioa gogoko dutenek Juan Luis Diazek koordinatutako saioetan parte hartzeko aukera izango dute, gaztelaniaz, eta komikia eta nobela grafikoari buruzkoa ere izango da, hau ere gaztelaniaz. Literatura garaikideari buruzkoa, gaztelaniaz hau ere, Concha Muruak koordinatuko du, eta nobela beltzari buruzkoa, gaztelaniaz, Marta Extramianak. Ingelesez aritzeko literatura saio0 bat ere izango da aurten, John Costellok gidatuta.