Segurtasun Sailak jakinarazi duenez, Ertzaintzak 51 urteko gizon bat atxilotu du igande honetan Gasteizen, emakume bati sexu-abusuak egitea leporatuta.
Arana auzoan izan zen erasoa; ertzainak auzora gerturatu zirenean, biktimari lagundu zioten eta gertakariari buruzko informazioa bildu zuten. Ordu batzuk geroago aurkitu eta atxilotu zuten.
Atxilotua ertzain-etxera eraman zuten beharrezko eginbideekin jarraitzeko, eta, horiek amaitutakoan, Gasteizko Guardiako Epaitegiaren esku utziko dute.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.