14:00ak aldera, Gasteizko Iparraldeko Parkeko Urbina kalean, 41 urteko gizon batek ezagun bati eraso egin dio arma zuri batekin, eztabaida baten erdian; zehazki, laban batekin lepoan hainbat sastakada ematen saiatu da, eta gutxienez horietako batean lortu du. Segituan, Ertzaintzaren eta Udaltzaingoaren patruilak bertaratu dira, eta biktima artatu dute, baina erasotzaileak ihes egin du.
Anbulantzia batek zauritua Santiago ospitalera eraman duen bitartean, ertzainak eta udaltzainak erasoaren ustezko egilearen bila hasi dira. Azkenean, bere bila ari zirela jakinda, 16:30ak aldera bere burua entregatu du Ertzaintzaren aurrean, eta atxilotu egin dute, ustezko homizidio saiakera egotzita.
Une honetan, atxilotua Lakuako ertzain-etxean dago, dagozkion eginbideak egiteko. Amaitutakoan, Gasteizko Guardiako Epaitegiaren esku utziko dute. Bere aldetik, zauritua arriskuz kanpo dagoela jakinarazi du Segurtasun Sailak.