Nicolas Kastelein, Cameron Wurf eta Dominik Sowieja, Ironmaneko podiumean

Igande honetan, triatloiaren goi-mailako festa bizi du Gasteizek, nazioarteko magnitudea duen Ironman probarekin. Aurtengo edizioak 65 herrialdetako 2.500 triatleta inguru bildu ditu Arabako hiriburuan, bero handiko eguna izanda.

Guztira, 226 kilometro egin dituzte triatletek: 3.800 metro igerian, Uribarri-Ganboa urtegian, Landako hondartzatik hasita; ondoren, bizikleta hartu eta horren gainean 180,2 kilometro; eta, azkenik, 42,2 kilometroko maratoia Gasteizko erdigunean, Erdi Aroko hirigunearen inguruko zirkuituan, Plaza Berriko helmugara iritsi aurretik.

Podiuma Nicolas Kastelein, Cameron Wurf eta Dominik Sowieja triatletek osatu dute podiuma, 07:52:50, 07:53:29 eta 07:54:21eko denborak lortuta, hurrenez hurren. Kastelein australiarrak, urrea irabazteaz gain, atzora arte Eneko Llanosena zen errekorra (07:55:16, 2019ko edizioan) gainditzea lortu du.

Sailkapena | Gizonezkoen proba

• 1. Nicholas Kastelein: 07:52:50
• 2. Cameron Wurf: 07:53:29
• 3. Dominik Sowieja: 07:54:21
• 4. Tobias Dahl Thomsen: 08:05:43
• 5. Evert Scheltinga: 08:06:25
• 6. Andrej Vistica: 08:07:11
• 7. Víctor Arroyo Bugallo: 08:09:34
• 8. Silas Kohn: 08:15:07
• 9. Leon Chevalier: 08:19:28
• 10. Andreas Jung: 08:20:40

Sailkapena | Emakumezkoen proba

• 1. Hanna de Sousa: 09:43:41
• 2. Beatrix Cser: 09:51:35
• 3. Eva Marie Hering: 09:57:21
• 4. Anna-Kaisa Pietilainen: 10:03:05
• 5. Isabel Gomez: 10:22:17
• 6. Isabel Geerardyn: 10:24:29
• 7. Caherine Glenister: 10:29:21
• 8. Johanna O'Regan: 10:32:40
• 9. Marta Burgues: 10:34:40
• 10. Julie Hemar: 10:37:42 

Irudiak