Gasteizko jaiak hurbiltzen diren bitartean, hiriburuko auzorik jendetsuenak bere jaiak ospatuko ditu hurrengo asteburuan, uztailaren 14an, 15ean, 16an eta 17an, ostegunetik ostiralera. Txupinazoa ostiraleko 19:00etan izango da.
Kontzertuak izango dira egitarauaren plater nagusia: oholtza nagusian, ostiralean Joselu Anaiak taldearen txanda izango da, eta larunbatean La Excavadora, La Furia, Leihotikan eta Jaikide DJ; auzoko kale eta tabernetan, besteak beste, Watermelon Man, Iruñea Jazz Brass Band, Reperkusion, eta DJ ugari.
Horrez gain, barrakak, puzgarriak, eta askotariko jarduerak izango dira auzoan zehar: txarangak, dastaketak, jolasak, tailerrak, pintxo-poteak, artisau azoka, kirol txapelketak, Gargantua, ipuin kontalariak, abesbatzak, aquapark erraldoia, dantzak, bitsa festa eta Madiber taldearen magia ikuskizuna, besteak beste.
EGITARAUA
Uztailak 13, asteazkena
- 19:30 Kontzertua: Watermelon Man. Antolatzailea: Bar El otro 16-14 (Kuto ohia)
Uztailak 14, osteguna
- Egun osoan: prezio herrikoiak barraketan
- 17:00 Zabalgana Sarea espazioaren irekiera, Bastida plaza
- 18:00 Pizza dastaketa (Pizza Hut)
- 18:00 Familia gunea, Zabaldu Mailuk elkarteak antolatuta: jolasak, musika, puzgarriak eta La Madre de Jose pop rock kontzertua, Zabaldu plazan
- 18:30 Kalez-kale eta Itxaropena kale-hezitzaileen programako gazteek dinamizatutako tailerrak, Bastida plazan
- 19:00 Iruñea Jazz Brass Band kontzertu ibiltaria, Itsasontzi Pirataren plaza eta Ilustrazio kalearen artean
- 19:00 Pintxo-potea jai gunean
- 20:00 Zabaldantzan dantza-plaza Mulixka Dantza Taldearekin, jai gunean
Uztailak 15, ostirala
- Egun osoan zehar Bastida plazan: artisau azoka
- 12:00 Saskibaloi txapelketa, Aldaia kantxetan. Izen-ematea: ecalle.zabalgana@vitoria-gasteiz.org
- 17:30 Pizzero tailerra, Pizza Hut-en. Izen-ematea: zabalganabatuz@gmail.com
- 19:00 Jaien hasiera. Txupinazoa jai gunean
- 19:00 Gargantua, buruhandiak, erraldoiak eta gaiteroak, Zabaldu plazan
- 19:30 Ipuin-kontaketa ingelesez. People Akademia, Zabaldu plazan
- 19:30 Reperkusion, Thatay tabernan, Bastida plazan
- 20:30 Haurrentzako dantzaldia: Joselu Anaiak, jai gunean
- 21:00 60-80 mozorro festa, DJ Aritorekin
- 23:00 Dantzaldia: Joselu Anaiak, jai gunean
Uztailak 16, larunbata
- Egun osoan zehar Bastida plazan: artisau azoka
- 11:00 Musika bizikleta martxa, Txorrosolo parkea - Aldaiako kantxak. Oparia eta bazkaria parte-hartzaileentzat
- 11:00 Txaranga auzoan zehar, Txorrosolo plazatik
- 11:30 Puzgarriak eta kirol festa, Aldaiako kantxetan. Araskik eta Gaubeak lagunduta
- 12: 00-15: 00 Vermouth eta DJ Janeusk, Dublin Housek antolatuta
- 13:00 Zabalgana Kantuz, Bastida plazan
- 17:00 Aquapark erraldoia, Zabalgana mendian
- 17:00 Dardo Txapelketa, LVDVS tabernan
- 18:00 Euskal dantzak, Orbela Alai Dantza Taldearen eskutik, Bastida plazan
- 18:00 Disco fragance: Brummel VS Ismael Del Val, La Musa tabernan
- 19:00 Diskotekea: Party Man haurrentzako diskoteka mugikorra, Bastida plazan
- 20:30 KPOP dantza erakustaldia, Bastida plazan
- 22:30 Kontzertuak: La Furia + La Excavadora + Leihotikan + Jaikide DJ
Uztailak 17, igandea
- 12:00 Hobetuz Jaialdia, Borinbizkarran: musika, antzerkia, jolasak, tailerrak eta azoka + Neu be banabil proiektuaren aurkezpena
- 13:30 Hamaiketako dastaketa Borinbizkarran, La Vitorianak antolatuta
- 13:30 Ipuin kontalaria, May Dayk antolatuta, Txorrosolo parkean
- 14:00 Familia kontzertua: Rock & Nolo, Txorrosolo parkean
- 18:00 Bitsa-festa, Bastida plazan
- 19:00 Magia, Madiber taldearekin, jai gunea
- 23:00 Jaien amaierako txupinazoa
MAPA
