Astearte honetako 11:00ak aldera, Gasteizko suhiltzaileek jakinarazi dute 09:30ak aldera ibilgailu batek su hartu duela Santa Barbara plazako garaje bateko bigarren solairuan, Posta kaleko 49. zenbakian, EH Bilduren Gasteizko egoitzaren parean.
Suhiltzaileek inguruko hainbat lokal eta etxebizitza hustu dituzte, kautelazko neurri gisa. Ondoren, sua itzali eta zonaldea aireztatu dute. Zorionez, ez dute inor aurkitu kiskalitako autoaren barruan, eta ez da zauriturik izan.
Momentuz ez da ezagutzen zein izan den sutea piztu duen arrazoia.