Susto ederra hartu dute gaur Gasteizko erdialdean zeuden herritarrek. Izan ere, 12:00ak aldera, Hondeamakina bat gas-hodi bat apurtu du Terrorismoaren Biktimen Memorialaren plazako obretan, eta zarata handia sortu duen gas-ihes bat eragin du.
Minutu gutxi batzuetara, 12:50ean, Gasteizko suhiltzaileek jakinarazi dute gas-ihesari eustea lortu dutela. Horren ostean, inguruko etxebizitzak aztertu dituzte, gas kontzentrazioak baztertzeko.
Esku-hartzeak iraun duen bitartean, Udaltzaingoak zonalde horretarako sarbideak eta Mateo Moraza kaleko trafikoa itxi ditu.
Fuga de gas cerrada en Mateo Moraza con plaza de España. Pasamos a revisar viviendas para descartar posibles concentraciones de gas. pic.twitter.com/3X6BTyPiQ0
— Bomber@s Gasteiz (@Bomberos_VG) June 15, 2022