Astearte honetako 17:00ak aldera, 82 urteko emakume bat hil da Gasteizko Aranbizkarra auzoan, kamioi batek harrapatuta.
Ezbeharra Aranbizkarra auzoan gertatu da, Valladolid eta Andaluzia kaleen bidegurutzean, Aranalde gizarte etxearen parean. 82 urteko emakumea zebrabidea gurutzatzen ari zen, autoeskola bateko kamioi batek harrapatu duenean.
Gizarte etxeko langileak eta Larrialdi Zerbitzuak emakumeari laguntzen saiatu dira, baina ezin izan dute ezer egin, eta bertan hil egin da.
Gasteizko Udaltzaingoak ikerketa abiatu du, istripuaren inguruabarrak eta arrazoiak argitzeko.
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide
