Ertzaintzak hogei urteko gizonezko bat atxilotu zuen atzo Gasteizen, joan den asteburuan hiriburuan salatutako sexu eraso batekin zerikusia duelakoan.
Igande goizean izan zen salatutako erasoa, Santa Luzia auzoan. Ertzaintzak komisarian jasotako salaketa baten bitartez izan zuen jazotakoaren berri. Horretan abiatuta, ikerketa abiatu zuen. Gaztea atxilotu eta gertaerak argitzeko eginbideak bete ondoren, Gasteizko Guardiako epaitegiari helarazi dizkiote.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (EAEn) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.