Aste honetan lau adingabe atxilotu ditu Ertzaintzak Gasteizen, Aste Santuaren aurretik Alde Zaharrean "indarkeria eta beldurra erabiliz" egindako lapurreta batzuen egiletza egotzita. Polizia-ikerketaren arabera, adingabeek taldean egin zituzten delituak hiriko hainbat auzotan; gainera, biktimak jo eta beldurtzea leporatu diete.
Lehen salaketak jaso zituenean, ikerketa abiatu zuen Ertzaintzak, eta orduz geroztik zabalik izan du, gertaerak argitzeko asmoz. Lau atxiloketak aste honetako egun ezberdinetan izan dira; antza denez, Arabako hiriburuko erdialdean jarduten duen adingabe talde baten inguruan egiten ari diren ikerketaren barruan egin dituzte atxiloketak.
Atxilotutako lau adingabeak aske utzi dituzte jada, dagozkion polizia-eginbideak burututa. Eginbide horiek Gasteizko Adingabeen Fiskaltzara bidali ditu Ertzaintzak.