Gaurko 00:15ak aldera, Gasteizko suhiltzaileen parkeko langile eta ibilgailu guztiak bertaratu behar izan dira Gamarrako industrialdera, soldadurako materialen eta gas industrialen salmentan espezializatutako enpresa bateko hiru pabilioi industrialetan sute handi bat piztu delako.
Sua itzaltzeko lanak hainbat orduz luzatu dira, goizeko zortziak arte. Suhiltzaileek bi ponpa-auto, bi zisterna, lanak altueran egiteko bi ibilgailu eta hainbat ibilgailu arin erabili behar izan dituzte sutea kontrolpean hartzeko.
Sugarrek kalte handiak eragin dituzte hiru nabeetan eta horien egitura metalikoetan. Zorionez, ez da zauriturik izan. Eguzkia atera denean, suhiltzaileek kalteen balorazioa egiteari ekin diote, baita sutearen jatorria ikertzeari ere.
Irudiak
Egun on Gasteiz.
— Bomber@s Gasteiz (@Bomberos_VG) March 29, 2022
Fuego industrial en Río Santo Tomás, solo daños materiales. Se ha desplazado todo el personal y vehículos del parque de bomberos. pic.twitter.com/8fFYWdpbmH
Kalteak inportanteak dira. Gaur goizean ikerketa egingo da sutearen arrazoiak jakiteko.
— Bomber@s Gasteiz (@Bomberos_VG) March 29, 2022
Durante el día de hoy se investigarán las causas del siniestro que ha producido graves daños materiales. pic.twitter.com/UWrWExXuk5
Fotos de anoche. Mucha temperatura ???????????????????? pic.twitter.com/hX5X8UDxOa
— Bomber@s Gasteiz (@Bomberos_VG) March 29, 2022